იოანე საბანისძე ცხოვრობდა და მოღვაწეობდა VIII საუკუნეში . ის განათლებული და ნიჩიერი კაცი ყოფილა. ამას ადასტურებს მისი თხზულება „აბოს წამება“ , რომელიც ჰაგიოგრაფიული მწერლობის ერთ-ერთი მნიშვნელოვანი ძეგლია. თხზულება მან დაწერა ქართლის კათალიკოსის სამოელის შეკვეთით 786-790 წლებში. კათალიკოსს კარგად სცოდნია „მეცნიერება და გულმოდგინებბა“ იოანე საბანისძისა, ამიტომ გაუგზავნია მისთვის წერილი და უთხოვია _ იკისროს განზრახული შრომის დაწერა. იოანეს, ერთგვარი ყოყმანის შემდეგ დაუწერია შეკვეთილი შრომა და გაუგზავნია სამოელისათვის. მასთან დაურთავს წერილი, რომელშიც მადლობას სწირავს სამოელს ასეთი საპატიო დავალებისათვის და უმატებს : თუმცა ეს საქმე ჩემს ძალ-ღონეს აღემატებოდა, მაგრამ ურჩობა ვერ გავბედე და, მსგავსად ჭიანჭველისა, რომელიც თავის თავზე უფრო დიდ ტვირთს მოიდებს ხოლმე ზურგზე და მიათრევს, ხელი მოვკიდე ამ საქმესო.
ავტორის შესახებ, ამ მიმოწერის გარდა, არავითარი სხვა ცნობა არ მოგვეპოვება. დანამდვილებით გარკვეული არ არის, სასულიერო პირი იყო იოანე თუ საერო, მაგრამ ერთი რამ ცხადია : მას ბრწყინვალე განათლება მიუღია .
იოანე საბანისძე თხუთმეტსაუკუნოვანი ქართული მწერლობის ერთ-ერთი ღირსეული წარმომადგენელია, მან პირველმა აუწყა ერს ქვეყნის კატასტროფული მდგომარეობის შესახებ , პირველმა აუხილა თვალი თანამემამულეებს, რათა გულისა და გონების კარები გაუღონ ქრისტეს მოძღვრებას და მით გაძლიერდნენ თავსდატეხილი განსაცდელის წინააღმდგომად.
gamocheniliqartvelimwerlebi 